Sri Lalitha Sahasranam Sthothram in English

Lalitaa Sahasranaama Stotra

.. atha shrii lalitaa sahasranaama stotram.h ..

OM shriimaataa shriimahaaraaGYI shriimatsiMhaa saneshvarii .

chidagni kuNDasaMbhuutaa devakaarya samudyataa .. 1..

udyadbhAnu sahasrAbhA chaturbaahu samanvitaa .

raagasvaruupa paashaaDhyaa krodhaa kaaraaN^kushojjvalaa .. 2..

manoruupekshu kodaNDaa paJNcha tanmaatra saayakaa .

nijaaruNa prabhaapuura majjadbrahmaaNDa maNDalaa .. 3..

champakaa shokapunnaaga saugandhika lasatkachaa .

kuruvinda maNishreNii kanatkoTiira maNDitaa .. 4..

ashhTamI cha.ndra vibhraaja dalikasthala shobhitaa .

mukhachandra kalaN^kAbha mR^iganaabhi visheshhakaa .. 5..

vadanasmara maaN^galya gR^ihatoraNa chillikA .

vaktra lakshmii pariivaaha chalan miinaabha lochanaa .. 6..

navachampaka pushhpaabha nAsaadaNDa viraajitaa .

taaraakaanti tiraskaari naasaabharaNa bhaasuraa .. 7..

kadamba maJNjarii klupta karNapuura manoharaa .

taaTaN^ka yugaliibhuuta tapanoDupa maNDalaa .. 8..

padmaraaga shilaadarsha paribhaavi kapolabhuuH .

navavidruma bimbashrii nyakkaari radanachchhadaa .. 9..

shuddha vidyaaN^kuraakaara dvijapaN^kti dvayojjvalaa .

karpuura viiTikaamoda samaakarshhi digantaraa .. 10..

nijasallaapa maadhurya vinirbhartsita kachchhapii .

ma.ndasmita prabhaapuura majjatkaamesha maanasaa .. 11..

anaakalita saadR^ishya chibukashrii viraajitaa .

kaamesha baddhamaaN^galya suutra shobhita ka.ndharaa .. 12..

kanakaaN^gada keyuura kamaniiya bhujaanvitaa .

ratnagraiveya chintaaka lolamuktaa phalaanvitaa .. 13..

kaameshvara premaratna maNipratipaNa stanii .

naabhyaalavaala romaali lataaphala kuchadvayii .. 14..

lakshyaroma lataadhaarataa samunneya madhyamaa .

stanabhaara dalanmadhya paTTabandha valitrayaa .. 15..

aruNaaruNa kausumbha vastrabhaasvat.h kaTiitaTii .

ratnakiN^kiNi kaaramya rashanaa daama bhuushhitaa .. 16..

kaamesha GYaata saubhaagya maardavoru dvayaanvitaa .

maaNikya makuTaakaara jaanudvaya viraajitaa .. 17..

indragopa parikshipta smaratuuNaabha ja.nghikaa .

guuDhagulphaa kuurmapR^ishhTha jayishhNu prapadaanvitaa .. 18..

nakhadiidhiti sa.nchhanna namajjana tamoguNaa .

padadvaya prabhaajaala paraakR^ita saroruhaa .. 19..

siJNjaana maNimaJNjiira maNDitashrii padaaMbujaa .

maraalii ma.ndagamanaa mahaalaavaNya shevadhiH .. 20..

sarvaaruNaa.a navadyaaN^gii sarvaabharaNa bhuushhitaa .

shiva kaameshvaraaN^kasthaa shivaa svaadhiina vallabhaa .. 21..

sumeru madhya shR^iN^gasthaa shriimannagara naayikaa .

chintaamaNi gR^ihaantasthaa paJNchabrahmaa sanasthitaa .. 22..

mahaapadmaaTavii saMsthaa kadamba vanavaasinii .

sudhaasaagara madhyasthaa kaamaakshii kaamadaayinii .. 23..

devarshhi gaNasa.nghaata stuuyamaanaatma vaibhavaa .

bhaNDaasura vadhodyukta shaktisenaa samanvitaa .. 24..

sampatkarii samaaruuDha si.ndhura vrajasevitaa .

ashvaaruuDhaa dhishhThitaashva koTikoTi bhiraavR^itaa .. 25..

chakraraaja rathaaruuDha sarvaayudha parishhkR^itaa .

geyachakra rathaaruuDha ma.ntriNii parisevitaa .. 26..

kirichakra rathaaruuDha daNDanaatha puraskR^itaa .

jvaalaa maalinikaakshipta vahni praakaara madhyagaa .. 27..

bhaNDasainya vadhodyukta shaktivikrama harshhitaa .

nityaa paraakramaaTopa niriikshaNa samutsukaa .. 28..

bhaNDaputra vadhodyukta baalaavikrama nanditaa .

mantriNyambaa virachita vishhaN^ga vadhatoshhitaa .. 29..

vishukra praaNaharaNa vaaraahii viiryananditaa .

kaameshvara mukhaaloka kalpita shriigaNeshvaraa .. 30..

mahaagaNesha nirbhinna vighnayantra praharshhitaa .

bhaNDaasurendra nirmukta shastra pratyastra varshhiNii .. 31..

karaaN^guli nakhotpanna naaraayaNa dashaakR^itiH .

mahaapaashu pataastraagni nirdagdhaasura sainikaa .. 32..

kaameshvaraastra nirdagdha sabhaNDaasura shuunyakaa .

brahmopendra mahendraadi devasaMstuta vaibhavaa .. 33..

haranetraagni sa.ndagdha kaama sa.njiiva naushhadhiH .

shriimadvaagbhava kuuTaika svaruupa mukhapaN^kajaa .. 34..

kaNThaadhaH kaTiparyanta madhyakuuTa svaruupiNii .

shaktikuuTaika taapanna kaTyadho bhaagadhaariNii .. 35..

muulamantraatmikaa muula kuuTatraya kalebaraa .

kulaamR^itaika rasikaa kulasa.nketa paalinii .. 36..

kulaaN^ganaa kulaantasthaa kaulinii kulayoginii .

akulaa samayaantasthaa samayaachaara tatparaa .. 37..

muulaadhaaraika nilayaa brahmagranthi vibhedinii .

maNipuuraantaruuditaa vishhNugranthi vibhedinii .. 38 ..

aaGYaa chakraantaraalasthaa rudragranthi vibhedinii .

sahasraaraaM bujaaruuDhaa sudhaasaaraabhi varshhiNii .. 39 ..

taDillataa samaruchiH shhaTchakropari saMsthitaa .

mahaasaktiH kuNDalinii bisatantu taniiyasii .. 40..

bhavaanI bhaavanaagamyaa bhavaaraNya kuThaarikaa .

bhadrapriyaa bhadramuurttiH bhakta saubhaagya daayinii .. 41..

bhaktipriyaa bhaktigamyaa bhaktivashyaa bhayaapahaa .

shAMbhavii shaaradaaraadhyaa sharvaaNii sharmadAyinI .. 42..

shA~NkarI shrIkarI saadhvii sharachchandra nibhaananaa .

shaatodarii shaantimatii niraadhaaraa nira.njanaa .. 43..

nirlepaa nirmalaa nityaa niraakaraa niraakulaa .

nirguNA nishhkalaa shaantaa nishhkaamaa niruupaplavaa .. 44..

nityamuktaa nirvikaaraa nishhprapaJNchaa niraashrayaa .

nityashuddhaa nityabuddhaa niravadyaa nirantaraa .. 45..

nishhkaaraNA nishhkalaN^kaa nirupaadhir niriishvaraa .

niiraagaa raagamathanii nirmadaa madanaashinii .. 46..

nishchintaa niraha.nkaaraa nirmohaa mohanaashinii .

nirmamaa mamataahantrii nishhpaapaa paapanaashinii .. 47..

nishhkrodhaa krodhashamanii nirlobhaa lobhanaashinii .

nissaMshayaa saMshayaghnii nirbhavaa bhavanaashinii .. 48..

nirvikalpaa niraabaadhaa nirbhedaa bhedanaashinii .

nirnaashaa mR^ityumathanii nishhkriyaa nishhparigrahaa .. 49..

nistulaa nilachikuraa nirapaayaa niratyayaa .

durlabhaa durgamA durgA duHkhahantrii sukhapradaa .. 50..

dushhTadUrA duraachaara shamanii doshha varjitaa .

sarvaGYA saandrakaruNaa samaanadhika varjitaa .. 51..

sarvashakti mayii sarva maN^galaa sadgati pradaa .

sarveshvari sarvamayii sarvamantra svaruupiNI .. 52..

sarva yantraatmikaa sarva tantraruupaa manonmanI .

maaheshvarii mahaadevii mahaalakshmii mR^iDapriyaa .. 53..

mahaaruupaa mahaapuujyaa mahaapaataka naashinii .

mahaamaayaa mahaasattvaa mahaashaktiH mahaaratiH .. 54..

mahaabhogaa mahaishvaryaa mahaaviiryaa mahaabalaa .

mahaabuddhiH mahaasiddhiH mahaayogesh vareshvarii .. 55..

mahaatantraa mahaamantraa mahaayantraa mahaasanaa .

mahaayaaga kramaaraadhyaa mahaabhairava puujitaa .. 56..

maheshvara mahaakalpa mahaataaNDava saakshiNii .

mahaakaamesha mahishhii mahaatripura sundarii .. 57..

chatushhshhashhT.h yupachaaraaDhyaa chatushhshhashhTi kalaamayii .

mahaa chatushhshhashhTi koTi yoginii gaNasevitaa .. 58..

manuvidyaa chandravidyaa chandramaNDala madhyagaa .

chaaruruupaa chaaruhaasaa chaaruchandra kalaadharaa .. 59..

charaachara jagannaathaa chakraraaja niketanaa .

paarvatii padmanayanaa padmaraaga samaprabhaa .. 60..

paJNchapretaasa naasiinaa paJNchabrahma svarupiNii .

chinmayii paramaanandaa viGYaana ghanaruupiNii .. 61..

dhyaana dhyaatR^i dhyeyaruupaa dharmaadharma vivarjitaa .

vishvarupaa jaagariNii svapantii taijasaatmikaa .. 62..

suptaa praaGYaatmikaa turyaa sarvaavasthaa vivarjitaa .

sR^ishhTikartrii brahmaruupaa goptrii govindarUpiNI .. 63..

saMhAriNI rudrarUpA tirodhaana karIshvarI .

sadAshivA.anugrahadaa paJNchakR^itya paraayaNaa .. 64..

bhaanumaNDala madhyasthaa bhairavii bhagamAlinii .

padmaasanaa bhagavatii padmanaabha sahodarii .. 65..

unmeshha nimishhotpanna vipanna bhuvanaavalii .

sahasrashiirshha vadanaa sahasraakshii sahasrapaat.h ..66..

aabrahmakiiTa jananii varNaashrama vidhaayini .

nijaaGYArUpa nigamaa puNyaapuNya phalapradaa .. 67..

shruti siimanta sinduurii kR^itapaadaabja dhuulikaa .

sakalaagama sa.ndoha shukti saMpuTa mauktikaa .. 68..

purushhaarttha pradaa puurNaa bhoginii bhuvaneshvarii .

aMbikaa.anaadi nidhanaa haribrahmendra sevitaa .. 69..

naaraayaNii naadarUpaa naamarUpa vivarjitaa .

hrii.nkaarii hriimatii hR^idyaa heyopaadeya varjitaa .. 70..

rAjarAjArchchitaa raaGYii ramyaa raajiiva lochanaa .

ra.njanii ramaNii rasyaa raNatkiN^kiNi mekhalaa .. 71..

ramaa raakenduvadanaa ratiruupaa ratipriyaa .

rakshaakarii raakshasaghnii raamaa ramaNa lampaTaa .. 72..

kaamyaa kaama kalaaruupaa kadamba kusumapriyaa .

kalyaaNii jagatiikandaa karuNaarasa saagaraa .. 73..

kalaavatii kalaalaapaa kaantaa kaadambarii priyaa .

varadaa vaamanayanaa vaaruNii madavihvalaa .. 74..

vishvaadhikaa vedavedyaa vindhyaachala nivaasinii .

vidhaatrii vedajananii vishhNumAyaa vilaasinii .. 75..

kshetrasvaruupaa kshetreshii kshetrakshetraGYa paalinii .

kshayavR^iddhi vinirmuktaa kshetrapaala samarchchitaa .. 76..

vijayaa vimalaa vandyaa vandaaru jana vatsalaa .

vaagvaadinii vaamakeshii vahnimaNDala vaasinii .. 77..

bhakti matkalpalatikaa pashupaasha vimochinii .

saMhR^itaasheshha paashhaNDaa sadaachaara pravarttikaa .. 78..

taapatrayaagni sa.ntapta samaahlaadana chandrikaa .

taruNii taapasaaraadhyaa tanumadhyaa tamopahaa .. 79..

chitistatpada lakshyaartthaa chideka rasaruupiNii .

svaatmaananda laviibhuuta brahmaadyaananda sa.ntatiH .. 80..

paraapratyak chitiirUpA pashyantii paradevataa .

madhyamaa vaikhariiruupaa bhakta maanasa haMsikaa .. 81..

kaameshvara praaNanaaDI kR^itaGYA kAmapUjitA .

shR^iN^gaara rasasaMpuurNaa jayaa jaalandhara sthitaa .. 82..

oDyaaNa piiThanilayaa bindumaNDala vaasinii .

rahoyaaga kramaaraadhyaa rahastarpaNa tarppitaa .. 83..

sadyaHprasaadinii vishva saakshiNii saakshivarjitaa .

shhaDaN^ga devataayuktaa shhaaDguNya paripuuritaa .. 84..

nityaklinnaa nirupamaa nirvaaNa sukhadaayinii .

nityaashhoDa shikaaruupaa shriikaNThaardha shariiriNI .. 85..

prabhaavatii prabhaarUpA prasiddhaa parameshvarii .

muulaprakR^iti ravyaktaa vyaktaa vyakta svaruupiiNi .. 86..

vyaapinii vividhaakaaraa vidyaavidyaa svaruupiNI .

mahaakaamesha nayana kumudaahlaada kaumudii .. 87..

bhaktahaarda tamobheda bhaanumad.h bhaanusantatiH .

shivaduutii shivaaraadhyaa shivamuurttiH shiva.nkarii .. 88..

shivapriyaa shivaparaa shishhTeshhTaa shishhTapuujitaa .

aprameyaa svaprakaashaa manovaachaama gocharaa .. 89..

chichchhaktish chetanaarUpaa jaDashaktir jaDaatmikaa .

gaayatrii vyaahR^itiH sa.ndhyaa dvijabR^inda nishhevitaa .. 90..

tatvaasanaa tatvamayii paJNcha koshaantara sthitaa .

nissiima mahimaa nitya yauvanaa madashaalinii .. 91..

madaghuurNita raktaakshii madapaaTala gaNDabhuuH .

chandanadrava digdhaaN^gii chaampeya kusumapriyaa .. 92..

kushalaa komalaakaaraa kurukullaa kuleshvarii .

kulakuNDaalayaa kaula maarga tatpara sevitaa .. 93..

kumaaragaNa naathaambaa tushhTiH pushhTir matirdhR^itiH .

shaantiH svastimatii kaantir nandinii vighna naashinii .. 94..

tejovatii trinayanaa lolaakshi kaamaruupiNii .

maalinii haMsinii mAtA malayaachala vaasinii .. 95..

sumukhii nalinii subhruuH shobhanaa suranaayikaa .

kaalakaNThii kaantimati kshobhiNii suukshma ruupiNii .. 96..

vajreshvarii vaamadevii vayovasthaa vivarjitaa .

siddheshvari siddhavidyaa siddhamaataa yashasvinii .. 97..

vishuddhi chakranilayaa.a.a raktavarNaa trilochanaa .

khaTvaaN^gaadi praharaNaa vadanaika samanvitaa .. 98..

paayasaannapriyaa tvaksthaa pashuloka bhaya.nkarii .

amR^itaadi mahaashakti saMvR^itaa Daakiniishvarii .. 99..

anaaha taabjanilayaa shyaamaabhaa vadanadvayaa .

daMshhTrojjvalaa.a kshamaalaadi dharaa rudhira saMsthitaa .. 100..

kaalaraatryaadi shaktyaugha vR^itaa snigdhau danapriyaa .

mahaaviirendra varadaa raakiNyambaa svaruupiNI .. 101..

maNipuuraabja nilayaa vadana trayasaMyutaa .

vajraadi kaayudhopetaa Daamaryaadi bhiraavR^itaa .. 102..

raktavarNaa maaMsanishhThaa guDAnna priitamaanasaa .

samasta bhaktasukhadaa laakinyaMbaa svaruupiNI .. 103..

svaadhishhThaanaaM bujagataa chaturvaktra manoharaa .

shUlAdyAyudha saMpannaa pItavarNA tigarvitaa .. 104..

medonishhThaa madhupriitaa bandinyaadi samanvitaa .

dadhyannaasakta hR^idayaa kaakinii ruupadhaariNI .. 105..

mUlaadhaaraambujaarUDhaa paJNchavaktraasthi saMsthitaa .

aN^kushaadi praharaNaa varadaadi nishhevitaa .. 106..

mudgauda nAsaktachittaa saakinyambaa svaruupiNI .

AGYA chakraabja nilayaa shuklavarNA shhaDAnanaa .. 107..

majjaa saMsthaa haMsavatii mukhyashakti samanvitaa .

haridraannaika rasikaa haakinii ruupadhaariNI .. 108..

sahasradala padmasthaa sarvavarNopa shobhitaa .

sarvaayudha dharaa shukla saMsthitaa sarvatomukhii .. 109..

sarvaudana priitachittaa yaakinyambaa svaruupiNI .

svaahaa svadhaa.amatir medhaa shrutiH smR^iti ranuttamaa .. 110..

puNyakiirttiH puNyalabhyaa puNyashravaNa kIrttanA .

pulomajaarchitaa bandha mochanii barbaraalakaa .. 111..

vimarsharuupiNI vidyaa viyadaadi jagatprasuuH .

sarvavyaadhi prashamanii sarvamR^ityu nivaariNii .. 112..

agragaNyaa.a chintyarUpA kalikalmashha naashinii .

kaatyaayanii kaalahantrii kamalaaksha nishhevitaa .. 113..

taambuula puuritamukhii daaDimii kusumaprabhaa .

mR^igaakshii mohinii mukhyaa mR^iDAnI mitrarUpiNI .. 114..

nityatR^iptaa bhaktanidhiH niyantrii nikhileshvarii .

maitryaadi vaasanaa labhyaa mahaapralaya saakshiNI .. 115..

paraashaktiH paraanishhThA praGYAna ghanarupiNI .

mAdhvii pAnaalasaa mattaa maatR^ikaa varNarUpiNI .. 116..

mahaakailaasa nilayaa mR^iNAla mR^idu dorlataa .

mahanIyA dayaamuurttiH mahaasaaMraajya shaalinii .. 117..

aatmavidyaa mahaavidyaa shriividyaa kaamasevitaa .

shriishhoDa shaaksharii vidyaa trikuuTaa kaamakoTikaa .. 118..

kaTaakshakiN^karii bhuuta kamalaakoTi sevitaa .

shiraHsthitaa chandranibhaa bhaalasthendra dhanuHprabhaa .. 119..

hR^idayasthaa raviprakhyaa trikoNAntara dIpikA .

dAkshAyaNI daityahantrii dakshayaGYa vinaashinii .. 120..

daraandolita diirghaakshii darahaaso jvalanmukhii .

gurumuurttir guNanidhir gomaataa guhajanmabhuuH .. 121..

deveshii daNDaniitisthaa daharaakaasha ruupiNii .

pratipan mukhyaraakaanta tithimaNDala puujitaa .. 122..

kalaatmikaa kalaanaathaa kaavyaalaapa vinodinii .

sachaamara ramaavaaNI savyadakshiNa sevitaa .. 123..

aadishakti rameyaa.a.atmaa paramaa paavanaakR^itiH .

anekakoTi brahmaaNDa jananii divya vigrahaa .. 124..

klii.nkaarii kevalaa guhyaa kaivalya padadaayinii .

tripuraa trijagadvandyaa trimuurtis tridasheshvarii .. 125..

tryakshari divya gandhaaDhyaa sinduura tilakaaJNchitaa .

umaa shailendra tanayaa gaurii gandharva sevitaa .. 126..

vishvagarbhaa svarNagarbhaa.a varadaa vaagadhiishvarii .

dhyaana gamyaa.a parichchhedyaa GYAnadaa GYAna vigrahaa .. 127..

sarva vedaanta saMvedyaa satyaananda svaruupiNI .

lopaamudraar chitaa lIlaa klupta brahmaaNDa maNDalaa .. 128..

adR^ishyaa dR^ishyarahitaa viGYAtrI vedyavarjitaa .

yoginii yogadaa yogyaa yogaanandaa yuga.ndharaa .. 129..

ichchhaashakti GYAnashakti kriyaashakti svarUpiNI .

sarvaadhaaraa supratishhThaa sadasad ruupadhaariNI .. 130..

ashhTamuurtti rajaajaitrii lokayaatra vidhaayinii .

ekaakinii bhuumarUpA nirdvaitaa dvaita varjitaa .. 131..

annadaa vasudaa vR^iddhaa brahmaatmaikya svarUpiNI .

bR^ihatii braahmaNI braahmI brahmaa nandaa balipriyaa .. 132..

bhaashhaarUpA bR^ihatsenaa bhaavaabhaava vivarjitaa .

sukhaaraadhyaa shubhakarii shobhanaa sulabhaagatiH .. 133..

raaja raajeshvarii raajya daayinii raajya vallabhaa .

raajatkR^ipaa raajapiiTha niveshita nijaashritaa .. 134..

raajyalakshmiiH koshanaathaa chaturaN^ga baleshvarii .

saamraajya daayinii satya sa.ndhaa saagara mekhalaa .. 135..

diikshitaa daityashamanii sarvaloka vasha.nkarii .

sarvaarttha daatrii saavitrii sacchidaananda rUpiNI .. 136..

deshakaalaa parichchhinnaa sarvagaa sarva mohinii .

sarasvatii shaastramayii guhaambaa guhyaruupiNI .. 137..

sarvopaadhi vinirmuktaa sadaashiva pativrataa .

saMpradaayeshvarii saadhvii guruumaNDala rUpiNI .. 138..

kulottiirNA bhagaaraadhyaa maayaa madhumatii mahii .

gaNAmbA guhyakaaraadhyaa komalaaN^gii guruupriyaa .. 139..

svatantraa sarvatantreshii dakshiNAmUrtti rUpiNI .

sanakAdi samArAdhyA shivaGYAna pradAyinI .. 140..

chitkalaa.a.a nandakalikaa premarUpA priya.nkarii .

naamapaaraayaNa priitaa nandividyaa naTeshvarii .. 141..

mithyaa jagada dhishhThaanaa muktidaa mukti rUpiNI .

laasyapriyaa layakarii lajjaa rambhaadi vanditaa .. 142..

bhavadaa vasudhaa vR^ishhTiH paapaaraNya davaanalaa .

daurbhaagya tuula vaatuulaa jaraadhvaantara viprabhaa .. 143..

bhaagyaabdhi chandrikaa bhakta chittakeki ghanaa ghanaa .

rogaparvata daMbholir mR^ityudaaru kuThaarikaa .. 144..

maheshvarii mahaakaalii mahaagraasaa mahaashanaa .

aparNA chaNDikA chaNDa muNDAsura nishhuudinii .. 145..

ksharaaksharaatmikA sarva lokeshii vishvadhaariNI .

trivarga daatrii subhagaa tryambakaa triguNAtmikA .. 146..

svargA pavargadaa shuddhaa japaapushhpa nibhaakR^itiH .

ojovatii dyutidharaa yaGYarUpA priyavrataa .. 147..

duraaraadhyaa duraadharshhaa paaTalii kusumapriyaa .

mahatii merunilayaa mandaara kusumapriyaa .. 148..

vIrArAdhyA viraaD.h ruupaa virajaa vishvatomukhii .

pratyagruupaa paraakaashaa praaNadA prANarUpiNI .. 149..

mArtaNDa bhairavaaraadhyA mantriNI nyastaraaj yadhuuH .

tripureshii jayatsenaa nistraiguNyA paraaparaa .. 150..

satyaGYAnaa nandarUpA saamarasya paraayaNA .

kapardinI kalAmAlA kAmadhuk.h kAmarUpiNI .. 151..

kalaanidhiH kaavyakalaa rasaGYA rasashevadhiH .

pushhTA puraatanA pUjyA pushhkarA pushhkarekshaNA .. 152..

paraMjyotiH paraMdhAma paramANuH parAtparaa .

paashahastaa paashahantrii paramantra vibhedinI .. 153..

muurttaa.a muurttaa.a nityatR^iptA munimAnasa haMsikA .

satyavratA satyarUpA sarvAntar yAminI satI .. 154..

brahmANI brahmajananI bahurUpA budhArchitA .

prasavitrii prachaNDA.a.aGYA pratishhThA prakaTaa kR^itiiH .. 155..

prANeshvarI prANadaatrii paJNchaashat piiTharUpiNI .

vishR^iN^khalaa viviktasthaa vIramAtA viyatprasUH .. 156..

mukundA muktinilayaa muulavigraha rUpiNI .

bhaavaGYA bhavarogaghnii bhavachakra pravartinI .. 157..

chhandaHsArA shaastrasArA mantrasArA talodarii .

udArakiirtti ruddAma vaibhavA varNa rUpiNI .. 158..

janmamR^ityu jaraatapta jana vishrAnti dAyinI .

sarvopanishha dudghushhTA shAntyatiita kalaatmikaa .. 159..

gambhIrA gaganAntasthA garvitaa gaanalolupaa .

kalpanaa rahitaa kAshhThA.a kaantaa kaantaardha vigrahaa .. 160..

kaarya kaaraNa nirmuktaa kaamakeli taraN^gitaa .

kanatkanaka taaTaN^kA lIlAvigraha dhaariNI .. 161..

ajaakshaya vinirmuktaa mugdhra kshipra prasaadinii .

antarmukha samaaraadhyaa bahirmukha sudurlabhaa .. 162..

trayii trivarga nilayaa tristhaa tripuramaalinii .

niraamayaa niraalambaa svaatmaaraamaa sudhaasrutiH .. 163..

saMsaara paN^ka nirmagna samuddharaNa paNDitA .

yaGYapriyA yaGYakartrii yajamaana svarUpiNI .. 164..

dharmaadhaaraa dhanaadhyakshaa dhanadhaanya vivardhinI .

viprapriyaa viprarUpA vishva bhramaNa kAriNI .. 165..

vishvagraasaa vidrumaabhaa vaishhNavI vishhNurUpiNI .

ayoniryoni nilayaa kuuTasthA kularUpiNI .. 166..

viiragoshhThI priyaa viiraa naishhkarmyaa naadarUpiNI .

viGYAna kalanA kalyA vidagdhA bainda vAsanA .. 167..

tatvaadhikaa tattvamayii tatvamarttha svaruupiNI .

saamagaanapriyA saumyA sadaashiva kuTumbinii .. 168..

savyaa pasavya maargasthaa sarvaapadvi nivaariNI .

svasthaa svabhaavamadhuraa dhiiraa dhiira samarchchitaa .. 169..

chaitanyaarghya samaaraadhyaa chaitanya kusumapriyaa .

sadoditaa sadaatushhTA taruNAditya pATalA .. 170..

dakshiNA dakshiNArAdhyA darasmera mukhAMbujA .

kaulinii kevalaa.anarghya kaivalyapada daayinii .. 171..

stotrapriyaa stutimatii shruti saMstuta vaibhavaa .

manasvinii maanavatii maheshii ma.ngalaakR^itiH .. 172..

vishvamaataa jagaddhaatrii vishaalaakshii viraagiNI .

pragalbhA paramodArA parAmodA manomayii .. 173..

vyomakeshii vimaanasthaa vajriNI vaamakeshvarii .

paJNcha yaGYapriyA paJNcha preta maJNchaadhi shaayinI .. 174..

paJNchamii paJNchabhuuteshi paJNcha sa.nkhyopachaariNI .

shaashvatii shaashvataish varyaa sharmadaa shaMbhu mohinii .. 175..

dharaa dharasutaa dhanyaa dharmiNI dharma vardhinI .

lokaatiitaa guNAtiitA sarvaatiitA shamAtmikA .. 176..

bandhuuka kusumaprakhyaa bAlA lIlA vinodinI .

sumaN^galii sukhakarii suveshhaaDhyA suvaasinii .. 177..

suvaasinyarchchana priitaa shobhanaa shuddha maanasaa .

bindutarpaNa sa.ntushhTA puurvajaa tripuraaMbikaa .. 178..

dasha mudraa samaaraadhyaa tripuraashrii vasha.nkarii .

GYAnamudrA GYAnagamyA GYAnaGYeya svarUpiNI .. 179..

yonimudrA trikhaNDeshii triguNAMbaa trikoNagA .

anaghA.adbhuta chaaritraa vAJNchhitaarttha pradaayinii .. 180..

abhyAsAti shayaGYAtaa shhaDadhvaatiita rUpiNI .

avyAja karuNAmUrtti raGYAna dhvAnta diipikaa .. 181..

aabaalagopa viditaa sarvaanulla.nghya shaasanaa .

shrichakra raajanilayaa shriimat.h tripura sundarii .. 182..

shriishivaa shivashaktyaikya rUpiNI lalitAmbikaa .

evaM shriilalitaa devyaaH naam naaM saahasrakaM jaguH

.. iti shrii brahmaaNDa puraaNe uttaraakhaNDe shrii hayagriivaagastyasaMvaade shriilalitaa sahasranaama stotra kathanaM saMpuurNaM ..

Meenakshi Pancha Ratnam

Meenakshi Pancha Ratnam

Udyath bhanu sahasra koti sadrusam, Keyura harojjwalam,
Bimboshtim smitha danthapankthi ruchiram, peetambaralankrutham,
Vishnu brahma surendra sevitha patham, Thathwa swaroopam shivam,
Meenakshmi pranathosmi santhathamaham, karunya vara nithim. 1

I always bow before that Meenakshi, who is the treasure house of mercy,
Who shines like billions of rising suns,
Who wears a shining crown,
Who has reddish lips like the Bimba fruits,
Who has shining rows of sparkling teeth,
Who decorates herself with reddish silk,
Whose feet is worshipped by Vishnu, Brahma and Indra,
Who is the consort Of Lord Shiva,
And who is the personification of sacred truth.

Mukthahara lasath kireeda ruchiram, poornendu vakthra prabham,
Sinchannupura kinkini manidaram, padmaprabha basuram,
Sarvabeeshta bala pradham giri sutham, vani rama sevitham,
Meenakshmi pranathosmi santhathamaham, karunya vara nithim. 2

I always bow before that Meenakshi, who is the treasure house of mercy,
Who shines in a crown decorated by garland of pearls,
Whose face shines similar to the full moon,
Who wears tinkling anklets full of gems,
Who shines like a fully opened lotus,
Who blesses her devotees with all their wishes,
Who is the daughter of the mountain,
And who is served by Goddess Saraswathi and Lakshmi.

Sri vidhyam shiva vama bhaga nilayam, hreenkara mantrojwalam,
Sri chakrangitha bindu Madhya vasathim, Srimath sabha nayakeem,
Srimath shanmuga vignaraja jananim, sriman jagan mohinim,
Meenakshmi pranathosmi santhathamaham, karunya vara nithim. 3

I always bow before that Meenakshi, who is the treasure house of mercy,
Who is the sacred knowledge of Sri Vidhya,
Who dwells in the left side of Lord Shiva,
Who shines with the sacred sound “Hreem”,
Who is in the central dot of the holy design of Sri Chakra,
Who is the lady presiding over the court of Lord Shiva,
Who is the mother of Lord Subramnya and Ganesa,
And who is the enchanter of the universe.

Srimath Sundara nayakim, bhaya haram, jnana pradham Nirmalam,
Syamabham kalasanarchitha padam,narayanasyaanujam,
Veena venu mrudanga vadhya rasikam, nana vidham ambikam,
Meenakshmi pranathosmi santhathamaham, karunya vara nithim. 4
I always bow before that Meenakshi, who is the treasure house of mercy,
Who is the consort of Lord Sundaresa,
Who removes fears,
Who grants knowledge,
Who is purest of the pure,
Who is black in colour,
Whose feel are worshipped by lotus flowers,
Who is the sister of Lord Narayana,
Who enjoys music from Veena, drum and flute,
And who is the goddess of varied aspects.

Nana yogi muneendra hrudsu vasatheem, nanartha sidhi pradham,
Nana pushpavirajithangri yugalam, narayanen architham,
Nada brahma mayim parath para tharam, nanartha thathwathmikam,
Meenakshmi pranathosmi santhathamaham, karunya vara nithim. 5
I always bow before that Meenakshi, who is the treasure house of mercy,
Who stays in the hearts of different yogis and saints,
Who grants different wealth and occult powers,
Whose feet shine with various flowers,
Who is worshipped by Lord Narayana,
Who is the all pervasive sound of the holy spirit,
Who is greater than the great,
And who is the meaning of various philosophies.

Soundarya Lahari in English

|| saundarya-laharI ||

shivaH shaktyaa yukto yadi bhavati shaktaH prabhavitu.n
na cedeva.n devo na khalu kushalaH spanditumapi .
atastvaamaaraadhyaaM hariharaviri~ncaadibhirapi
praNantuM stotuM vaa kathamakR^itapuNyaH prabhavati .. 1..

taniiyaaMsa.n paaMsu.n tava caraNapaN^keruhabhava.n
viri~ncissa~ncinvan.h viracayati lokaanavikalam.h .
bahatyenaM shauriH kathamapi sahasreNa shirasaaM
harassaMkShudyainaM bhajati bhasitoddhuulanavidhim.h .. 2..

avidyaanaamanta\-stimira\-mihiradviipanagarii
jaDaanaa.n caitanya\-stabaka\-makaranda\-srutijharii .
daridraaNaa.n cintaamaNiguNanikaa janmajaladhau
nimagnaanaa.n daMShTraa muraripu\-varaahasya bhavatii .. 3..

tvadanyaH paaNibhyaamabhayavarado daivatagaNaH
tvamekaa naivaasi prakaTitavaraabhiityabhinayaa .
bhayaat.h traatu.n daatu.n phalamapi ca vaa~nchaasamadhikaM
sharaNye lokaanaa.n tava hi caraNaaveva nipuNau .. 4..

haristvaamaaraadhya praNatajanasaubhaagyajananii.n
puraa naarii bhuutvaa puraripumapi kShobhamanayat.h .
smaro.api tvaa.n natvaa ratinayanalehyena vapuShaa
muniinaamapyantaH prabhavati hi mohaaya mahataam.h .. 5..

dhanuH pauShpa.n maurvii madhukaramayii pa~nca vishikhaaH
vasantaH saamanto malayamarudaayodhanarathaH .
tathaapyekaH sarvaM himagirisute kaamapi kR^ipaam.h
apaaN^gaatte labdhvaa jagadida\-manaN^go vijayate .. 6..

kvaNatkaa~nciidaamaa karikalabhakumbhastananataa
parikShiiNaa madhye pariNatasharaccandravadanaa .
dhanurbaaNaan.h paashaM sR^iNimapi dadhaanaa karatalaiH
purastaadaastaaM naH puramathituraahopuruShikaa .. 7..

sudhaasindhormadhye suraviTapivaaTiiparivR^ite
maNidviipe niipopavanavati cintaamaNigR^ihe .
shivaakaare ma~nce paramashivaparyaN^kanilayaa.n
bhajanti tvaa.n dhanyaaH katicana cidaanandalahariim.h .. 8..

mahii.n muulaadhaare kamapi maNipuure hutavahaM
sthitaM svaadhiShThaane hR^idi marutamaakaashamupari .
mano.api bhruumadhye sakalamapi bhitvaa kulapathaM
sahasraare padme saha rahasi patyaa viharase .. 9..

sudhaadhaaraasaaraishcaraNayugalaantarvigalitaiH
prapa~ncaM si~ncantii punarapi rasaamnaayamahasaH .
avaapya svaa.n bhuumi.n bhujaganibhamadhyuShTavalayaM
svamaatmaana.n kR^itvaa svapiShi kulakuNDe kuhariNi .. 10..

caturbhiH shriikaNThaiH shivayuvatibhiH pa~ncabhirapi
prabhinnaabhiH shambhornavabhirapi muulaprakR^itibhiH .
catushcatvaariMshadvasudalakalaashratrivalaya
trirekhaabhiH saardha.n tava sharaNakoNaaH pariNataaH .. 11..


tvadiiyaM saundarya.n tuhinagirikanye tulayitu.n
kaviindraaH kalpante kathamapi viri~nciprabhR^itayaH .
yadaalokautsukyaadamaralalanaa yaanti manasaa
tapobhirduShpraapaamapi girishasaayujyapadaviim.h .. 12..

naraM varShiiyaaMsaM nayanavirasa.n narmasu jaDa.n
tavaapaaN^gaaloke patitamanudhaavanti shatashaH .
galadveNiibandhaaH kucakalashavisrastasicayaa
haThaat truTyatkaa~ncyo vigalitadukuulaa yuvatayaH .. 13..

kShitau ShaTpa~ncaashad dvisamadhikapa~ncaashadudake
hutaashe dvaaShaShTishcaturadhikapa~ncaashadanile .
divi dviShShaT.htriMshanmanasi ca catuShShaShTiriti ye
mayuukhaasteShaamapyupari tava paadaambujayugam.h .. 14..

sharajjyotsnaashuddhaaM shashiyutajaTaajuuTamukuTaaM
varatraasatraaNasphaTikaghuTikaapustakakaraam.h .
sakR^innatvaa.n natvaa kathamiva sataaM saMnnidadhate
madhukShiiradraakShaamadhurimadhuriiNaaH kaNitayaH .. 15..

kaviindraaNaa.n cetaHkamalavanabaalaataparuci.n
bhajante ye santaH katicidaruNaameva bhavatiim.h .
viri~ncipreyasyaastaruNatarashR^iN^gaaralaharii
gabhiiraabhirvaagbhirvidadhati sataaMra~njanamamii .. 16..

savitriibhirvaacaaM shashimaNishilaabhaN^garucibhiH
vashinyaadyaabhistvaaM saha janani saMcintayati yaH .
sa kartaa kaavyaanaa.n bhavati mahataa.n bhaN^girucibhiH
vacobhirvaagdeviivadanakamalaamodamadhuraiH .. 17..

tanucchaayaabhiste taruNataraNishriisaraNibhiH
divaM sarvaamurviimaruNimanimagnaaM smarati yaH .
bhavantyasya trasyadvanahariNashaaliinanayanaaH
sahorvashyaa vashyaaH kati kati na giirvaaNagaNikaaH .. 18..

mukha.n bindu.n kR^itvaa kucayugamadhastasya tadadho
haraardha.n dhyaayedyoharamahiShi te manmathakalaam.h .
sa sadyaH saMkShobha.n nayati vanitaa ityatilaghu
trilokiimapyaashu bhramayati raviindustanayugaam.h .. 19..

kirantiimaN^gebhyaH kiraNanikurambaamR^itarasaM
hR^idi tvaamaadhatte himakarashilaamuurtimiva yaH .
sa sarpaaNaa.n darpaM shamayati shakuntaadhipa iva
jvarapluShTaan dR^iShTyaa sukhayati sudhaasaarasirayaa .. 20..

taTillekhaatanvii.n tapanashashivaishvaanaramayii.n
niShaNNaaM ShaNNaamapyupari kamalaanaa.n tava kalaam.h .
mahaapadmaaTavyaa.n mR^iditamalamaayena manasaa
mahaantaH pashyanto dadhati paramaahlaadalahariim.h .. 21..

bhavaani tva.n daase mayi vitara dR^iShTiM sakaruNaa
miti stotuM vaa~nchan kathayati bhavaani tvamiti yaH .
tadaiva tva.n tasmai dishasi nijasaayujyapadavii.n
mukundabrahmendrasphuTamukuTaniiraajitapadaam.h .. 22..

tvayaa hR^itvaa vaamaM vapuraparitR^iptena manasaa
shariiraardhaM shambhoraparamapi shaN^ke hR^itamabhuut .
yadetattvadruupaM sakalamaruNaabhaM trinayanaM
kucaabhyaamaanamra.n kuTilashashicuuDaalamukuTam.h .. 23..

jagatsuute dhaataa hariravati rudraH kShapayate
tiraskurvannetatsvamapi vapuriishastirayati .
sadaapuurvaH sarva.n tadidamanugR^ihNaati ca shiva
stavaaj~naamaalambya kShanacalitayorbhruulatikayoH .. 24..

trayaaNaa.n devaanaa.n triguNajanitaanaantava shive
bhavet puujaa puujaa tava caraNayoryaa viracitaa .
tathaa hi tvatpaadodvahanamaNipiiThasya nikaTe
sthitaa hyete shashvan mukulitakarottaMsamakuTaaH .. 25..

viri~nciH pa~ncatvaM vrajati hariraapnoti viratiM
vinaasha.n kiinaasho bhajati dhanado yaati nidhanam.h .
vitandrii maahendrii vitatirapi saMmiilati dR^ishaa.n
mahaasaMhaare.asmin viharati sati tvatpatirasau .. 26..

japo jalpaH shilpaM sakalamapi mudraaviracanaa
gatiH praadakShiNyakramaNamashanaadyaahutividhiH .
praNaamassaMveshassukhamakhilamaatmaarpaNadR^ishaa
saparyaaparyaayastava bhavatu yanme vilasitam.h .. 27..

sudhaamapyaasvaadya pratibhayajaraamR^ityuhariNiiM
vipadyante vishve vidhishatamakhaadyaa diviShadaH .
karaaLaM yatkShveLa.n kabalitavataH kaalakalanaa
na shambhostanmuula.n tava janani taaTaN^kamahimaa .. 28..

kiriiTaM vairi~nca.n parihara puraH kaiTabhabhidaH
kaThore koTiire skhalasi jahi jambhaarimukuTam.h .
praNamreShveteShu prasabhamupayaatasya bhavana.n
bhavasyaabhyutthaane tava parijanoktirvijayate .. 29..

svadehodbhuutaabhirghR^iNibhiraNmaadyaabhirabhito
niShevye nitye tvaamiti sadaa bhaavayati yaH .
kimaashcarya.n tasya trinayanasamR^iddhi.n tR^iNayato
mahaasaMvartaagnirviracayati niraajanavidhim.h .. 30..

catuShShaShTyaa tantraiH sakalamatisaMdhaaya bhuvanaM
sthitas tattatsiddhiprasavaparatantraiH pashupatiH .
punastvannirbandhaadakhilapuruShaarthaikaghaTanaa
svatantraM te tantraM kShititalamavaatiitaradidam.h .. 31..

shivaH shaktiH kaamaH kShitiratha raviH shiitakiraNaH
smaro haMsaH shakrastadanu ca paraamaaraharayaH .
amii hR^illekhaabhistisR^ibhiravasaaneShu ghaTitaa
bhajante varNaaste tava janani naamaavayavataam.h .. 32..

smaraM yoniM lakShmiiM tritayamidamaadau tava mano
rnidhaayaike nitye niravadhimahaabhogarasikaaH .
bhajanti tvaaM cintaamaNigunanibaddhaakShavalayaaH
shivaagnau juhvantaH surabhighR^itadhaaraahutishataiH .. 33..

shariiraM tvaM shambhoH shashimihiravakShoruhayugaM
tavaatmaanaM manye bhagavati navaatmaanamanagham.h .
atashsheShashsheShiiityayamubhayasaadhaaraNatayaa
sthitaH saMbandho vaaM samarasaparaanandaparayoH .. 34..

manastvaM vyoma tvaM marudasi marutsaarathirasi
tvamaapastvaM bhuumistvayi pariNataayaaM na hi param.h .
tvameva svaatmaanaM pariNamayituM vishvavapuShaa
cidaanandaakaaraM shivayuvati bhaavena bibhR^iShe .. 35..

tavaaj~naacakrasthaM tapanashashikoTidyutidharaM
paraM shambhuM vande parimilitapaarshvaM paracitaa .
yamaaraadhyan.h bhaktyaa ravishashishuciinaamaviShaye
niraaloke.aloke nivasati hi bhaalokabhavane .. 36..

vishuddhau te shuddhasphaTikavishadaM vyomajanakaM
shivaM seve deviimapi shivasamaanavyavasitaam.h .
yayoH kaantyaa yaantyaa shashikiraNasaaruupyasaraNiM
vidhuutaantardhvaantaavilasati cakoriiva jagatii .. 37..

samunmiilat saMvit kamalamakarandaikarasikaM
bhaje haMsadvandvaM kimapi mahataaM maanasacaram.h .
yadaalaapaadaShTaadashaguNitavidyaapariNati
ryad aadatte doShaad guNamakhilamadbhyaH paya iva .. 38..

tava svaadhiShThaane hutavahamadhiShThaaya nirataM
tamiiDe saMvartaM janani mahatiiM taaM ca samayaam.h .
yadaaloke lokaan
dayaardraa yaddR^iShTiH shishiramupacaaraM racayati .. 39..

taTittvantaM shaktyaa timiraparipanthiphuraNayaa
sphurannaanaaratnaabharaNapariNaddhendradhanuSham.h .
tava shyaamaM meghaM kamapi maNipuuraikasharaNaM
niSheve varShantaM haramihirataptaM tribhuvanam.h .. 40..

tavaadhaare muule saha samayayaa laasyaparayaa
navaatmaanaM manye navarasamahaataaNDavanaTam.h .
ubhaabhyaametaabhyaamudayavidhimuddishya dayayaa
sanaathaabhyaaM jaj~ne janakajananiimajjagadidam.h .. 41..

gatairmaaNikyatvaM gaganamaNibhiH saandraghaTitaM
kiriiTaM te haimaM himagirisute kiirtayati yaH .
sa niiDeyacchaayaacchuraNashabalaM candrashakalaM
dhanuH shaunaasiiraM kimiti na nibadhnaati dhiShaNaam.h .. 42..

dhunotu dhvaantaM nastulitadalitendiivaravanaM
ghanasnigdhashlakShNaM cikuranikurambaM tava shive .
yadiiyaM saurabhyaM sahajamupalabdhuM sumanaso
vasantyasmin manye valamathanavaaTiiviTapinaam.h .. 43..

tanotu kShemaM nastava vadanasaundaryalaharii
pariivaahasrotaHsaraNiriva siimantasaraNiH .
vahantii sunduuraM prabalakabariibhaaratimira
dviShaaM bR^indairbandiikR^itamiva naviinaarkakiraNam.h .. 44..

araalaiH svaabhaavyaadalikalabhasashriibhiralakaiH
pariitaM te vaktraM parihasati paN^keruharucim.h .
darasmere yasmin.h dashanaruciki~njalkarucire
sugandhau maadyanti smaradahanacakShurmadhulihaH .. 45..

lalaaTaM laavaNyadyutivimalamaabhaati tava ya
ddvitiiyaM tanmanye {makuTa}ghaTitaM candrashakalam.h .
viparyaasanyaasaadubhayamapi saMbhuuya ca mithaH
sudhaalepasyuutiH pariNamati raakaahimakaraH .. 46..

bhruvau bhugne kiMcidbhuvanabhayabhaN^gavyasanini
tvadiiye netraabhyaaM madhukararucibhyaaM dhR^itaguNam.h .
dhanurmanye savyetarakaragR^ihiitaM ratipateH
prakoShThe muShTau ca sthagayati niguuDhaantaramume .. 47..

ahaH suute savyaM tava nayanamarkaatmakatayaa
triyaamaaM vaamaM te sR^ijati rajaniinaayakatayaa .
tR^itiiyaa te dR^iShtirdaradalitahemaambujaruciH
samaadhatte saMdhyaaM divasanishayorantaracariim.h .. 48..

vishaalaa kalyaaNii sphuTarucirayodhyaa kuvalayaiH
kR^ipaadhaaraadhaaraa kimapi madhuraa bhogavatikaa .
avantii dR^iShTiste bahunagaravistaaravijayaa
dhruvaM tattannaamavyavaharaNayogyaa vijayate .. 49..

kaviinaaM saMdarbhastabakamakarandaikarasikaM
kaTakShavyaakShepabhramarakalabhau karNayugalam.h .
amu~ncantau dR^iShTvaa tava navarasaasvaadataralaa
vasuuyaasaMsargaadalikanayanaM kiMcidaruNam.h .. 50..

shive shR^iN^gaaraardraa taditarajane kutsanaparaa
saroShaa gaN^gaayaaM girishacarite vismayavatii .
haraahibhyo bhiitaa sarasiruhasaubhaagyajayinii
sakhiiShu smeraa te mayi janani dR^iShTiH sakaruNaa .. 51..

gate karNaabhyarNaM garuta iva pakShmaaNi dadhatii
puraaM bhettushcittaprashamarasavidraavaNaphale .
ime netre gotraadharapatikulottaMsakalike
tavaakarNaakR^iShTasmarasharavilaasaM kalayataH .. 52..

vibhaktatraivarNyaM vyatikaritaliilaa~njanatayaa
vibhaati tvannetratritayamidamiishaanadayite .
punaH sraShTuM devaan druhiNaharirudraanuparataan
rajaH sattvaM bibhrat tama iti guNaanaaM trayamiva .. 53..

pavitriikartuM naH pashupatiparaadhiinahR^idaye
dayaamitrairnetrairaruNadhavalashyaamarucibhiH .
nadaH shoNo gaN^gaa tapanatanayeti dhruvamamuM
trayaaNaaM tiirthaanaamupanayasi saMbhedamanagham.h .. 54..

nimeShonmeShaabhyaaM pralayamudayaM yaati jagatii
tavetyaahuH santo dharaNidhararaajanyatanaye .
tvadunmeShaajjaataM jagadidamasheShaM pralayataH
paritraatuM shaN^ke parihR^itanimeShaastava dR^ishaH .. 55..

tavaaparNe karNejapanayanapaishunyacakitaa
niliiyante toye niyatamanimeShaaH shapharikaaH .
iyaM ca shriirbaddhacchadapuTakavaaTaM kuvalayam
jahaati pratyuuShe nishi ca vighaTayya pravishati .. 56..

dR^ishaa draaghiiyasyaa daradalitaniilotpalarucaa
daviiyaaMsaM diinaM snapaya kR^ipayaa maamapi shive .
anenaayaM dhanyo bhavati na ca te haaniriyataa
vane vaa harmye vaa samakaranipaato himakaraH .. 57..

araalaM te paaliiyugalamagaraajanyatanaye
na keShaamaadhatte kusumasharakodaNDakutukam.h .
tirashciino yatra shravaNapathamullaN^ghya vilasa
nnapaaN^gavyaasaN^go dishati sharasaMdhaanadhiShaNaam.h .. 58..

sphuradgaNDaabhogapratiphalitataaTaN^kayugalaM
catushcakraM manye tava mukhamidaM manmatharatham.h .
yamaaruhya druhyatyavaniratham arkenducaraNaM
mahaaviiro maaraH pramathapataye sajjitavate .. 59..

sarasvatyaaH suuktiiramR^italahariikaushalahariiH
pibantyaaH sharvaaNi shravaNaculukaabhyaamaviralam.h .
camatkaarashlaaghaacalitashirasaH kuNDalagaNo
jhaNatkaaraistaaraiH prativacanamaacaShTa iva te .. 60..

asau naasaavaMshastuhinagirivaMshadhvajapaTi
tvadiiyo nediiyaH phalatu phalamasmaakamucitam.h .
vahannantarmuktaaH shishirataranishvaasagalitaM
samR^iddhyaa yastaasaaM bahirapi ca muktaamaNidharaH .. 61..

prakR^ityaaraktaayaastava sudati dantacchadaruceH
pravakShye saadR^ishyaM janayatu phalaM vidrumalataa .
na bimbaM tvadbimbapratiphalanaraagaad aruNitaM
tulaamadhyaaroDhuM kathamiva na lajjeta kalayaa .. 62..

smitajyotsnaajaalaM tava vadanacandrasya pibataaM
cakoraaNaamaasiidatirasatayaa ca~ncujaDimaa .
ataste shiitaaMshoramR^italahariimamlarucayaH
pibanti svacchandaM nishi nishi bhR^ishaM kaa~njikadhiyaa .. 63..

avishraantaM patyurguNagaNakathaamreDanajapaa
japaapuShpacchaayaa tava janani jihvaa jayati saa .
yadagraasiinaayaaH sphaTikadR^iShadacchacchavimayii
sarasvatyaa muurtiH pariNamati maaNikyavapuShaa .. 64..

raNe jitvaa daityaanapahR^itashirastraiH kavacibhir
nivR^ittaishcaNDaaMshatripuraharanirmaalyavimukhaiH .
vishaakhendropendraiH shashivishadakarpuurashakalaa
viliiyante maatastava vadanataambuulakabalaaH .. 65..

vipa~ncyaa gaayantii vividhamapadaanaM pashupateH
tvayaarabdhe vaktuM calitashirasaa saadhuvacane .
tadiiyairmaadhuryairapalapitatantriikalaravaaM
nijaaM viiNaaM vaaNii niculayati colena nibhR^itam.h .. 66..

karaagreNa spR^iShTaM tuhinagiriNaa vatsalatayaa
giriishenodastaM muhuradharapaanaakulatayaa .
karagraahyaM shambhormukhamukuravR^intaM girisute
kathaN^kaaraM bruumastava cibukamaupamyarahitam.h .. 67..

bhujaashleShaan nityaM puradamayituH kaNTakavatii
tava griivaa dhatte mukhakamalanaalashriyamiyam.h .
svataH shvetaa kaalaagarubahulajambaalamalinaa
mR^iNaaliilaalityam vahati yadadho haaralatikaa .. 68..

gale rekhaastisro gatigamakagiitaikanipuNe
vivaahavyaanaddhapraguNaguNasaMkhyaapratibhuvaH .
viraajante naanaavidhamadhuraraagaakarabhuvaaM
trayaaNaaM graamaaNaaM sthitiniyamasiimaana iva te .. 69..

mR^iNaaliimR^idviinaaM tava bhujalataanaaM catasR^iNaaM
caturbhiH saundaryaM sarasijabhavaH stauti vadanaiH .
nakhebhyaH saMtrasyan prathamamathanaadandhakaripo
shcaturNaaM shiirShaaNaaM samamabhayahastaarpaNadhiyaa .. 70..

nakhaanaamuddyotairnavanalinaraagaM vihasataaM
karaaNaaM te kaantiM kathaya kathayaamaH kathamume .
kayaacidvaa saamyaM bhajatu kalayaa hanta kamalaM
yadi kriiDallakShmiicaraNatalalaakShaaruNadalam.h .. 71..

samaM devi skandadvipavadanapiitaM stanayugaM
tavedaM naH khedaM haratu satataM prasnutamukham.h .
yadaalokyaashaN^kaakulitahR^idayo haasajanakaH
svakumbhau herambaH parimR^ishati hastena jhaTiti .. 72..

amuu te vakShojaavamR^itarasamaaNikyakutupau
na saMdehaspando nagapatipataake manasi naH .
pibantau tau yasmaadaviditavadhuusaN^garasikau
kumaaraavadyaapi dviradavadanakrau~ncadalanau .. 73..

vahatyamba stamberamadanujakumbhaprakR^itibhiH
samaarabdhaaM muktaamaNibhiramalaaM haaralatikaam.h .
kucaabhogo bimbaadhararucibhirantaH shabalitaaM
prataapavyaamishraaM puradamayituH kiirtimiva te .. 74..

tava stanyaM manye dharaNidharakanye hR^idayataH
payaHpaaraavaaraH parivahati saarasvata iva .
dayaavatyaa dattaM draviDashishuraasvaadya tava yat
kaviinaaM prauDhaanaamajani kamaniyaH kavayitaa .. 75..

harakrodhajvaalavalibhiravaliiDhena vapuShaa
gabhiire te naabhiisarasi kR^itasaN^go manasijaH .
samuttasthau tasmaadacalatanaye dhuumalatikaa
janastaaM jaaniite tava janani romaavaliriti .. 76..

yadetat kaalindiitanutarataraN^gaakR^iti shive
kR^ishe madhye kiMcijjanani tava tadbhaati sudhiyaam.h .
vimardaadanyo.anyaM kucakalashayorantaragataM
tanuubhuutaM vyoma pravishadiva naabhiM kuhariNiim.h .. 77..

sthiro gaN^gaavartaH stanamukularomaavalilataa
nijaavaalaM kuNDaM kusumasharatejohutabhujaH .
raterliilaagaaraM kimapi tava naabhirgirisute
biladvaaraM siddhergirishanayanaanaaM vijayate .. 78..

nisargakShiiNasya stanataTabhareNa klamajuSho
namanmuurternaariitilaka shanaistruTyata iva .
ciraM te madhyasya truTitataTiniitiirataruNaa
samaavasthaasthemno bhavatu kushalaM shailatanaye .. 79..

kucau sadyaHsvidyattaTaghaTitakuurpaasabhidurau
kaShantau dormuule kanakakalashaabhau kalayataa .
tava traatuM bhaN^gaadalamiti valagnaM tanubhuvaa
tridhaa naddhaM devi trivali lavaliivallibhiriva .. 80..

gurutvaM vistaaraM kShitidharapatiH paarvati nijaa
nnitambaadaacchidya tvayi haraNaruupeNa nidadhe .
ataste vistiirNo gururayamasheShaaM vasumatiiM
nitambapraagbhaaraH sthagayati laghutvaM nayati ca .. 81..

kariindraaNaaM shuNDaaH kanakakadaliikaaNDapaTaliim
ubhaabhyaamuurubhyaamubhayamapi nirjitya bhavatii .
suvR^ittaabhyaaM patyuH praNatikaThinaabhyaaM girisute
vijigye jaanubhyaaM vibudhakarikumbhadvayamasi .. 82..

paraajetuM rudraM dviguNasharagarbhau girisute
niShaN^gau jaN^ghe te viShamavishikho baaDhamakR^ita .
yadagre dR^ishyante dasha sharaphalaaH paadayugalii
nakhaagracchadmaanaH suramukuTashaaNaikanishitaaH .. 83..

shrutiinaaM muurdhaano dadhati tava yau shekharatayaa
mamaapyetau maataH shirasi dayayaa dhehi caraNau .
yayoH paadyaM paathaH pashupatijaTaajuuTataTinii
yayorlaakShaalakShmiiraruNaharicuuDaamaNiruciH .. 84..

namovaakaM bruumo nayanaramaNiiyaaya padayo
stavaasmai dvandvaaya sphuTarucirasaalaktakavate .
asuuyatyatyantaM yadabhihananaaya spR^ihayate
pashuunaamiishaanaH pramadavanakaN^kelitarave .. 85..

mR^iShaa kR^itvaa gotraskhalanamatha vailakShyanamitaM
lalaaTe bhartaaraM caraNakamale taaDayati te .
ciraadantaHshalyaM dahanakR^itamunmuulitavataa
tulaakoTikvaaNaiH kilikilitamiishaanaripuNaa .. 86..

himaaniihantavyaM himagirinivaasaikacaturau
nishaayaaM nidraaNaaM nishi ca parabhaage ca vishadau .
paraM lakShmiipaatraM shriyamatisR^ijantau samayinaaM
sarojaM tvatpaadau janani jayatashcitramiha kim.h .. 87..

padaM te kiirtiinaaM prapadamapadaM devi vipadaaM
kathaM niitaM sadbhiH kaThinakamaThiikarparatulaam.h .
kathaM vaa baahubhyaamupayamanakaale purabhidaa
yadaadaaya nyastaM dR^iShadi dayamaanena manasaa .. 88..

nakhairnaakastriiNaaM karakamalasaMkocashashibhi
staruuNaaM divyaanaaM hasata iva te caNDi caraNau .
phalaani svaHsthebhyaH kisalayakaraagreNa dadataaM
daridrebhyo bhadraaM shriyamanishamahnaaya dadatau .. 89..

dadaane diinebhyaH shriyamanishamaashaanusadR^ishii
mamandaM saundaryaprakaramakarandam vikirati .
tavaasmin mandaarastabakasubhage yaatu caraNe
minajjan majjiivaH karaNacaraNaH ShaTcaraNataam.h .. 90..

padanyaasakriiDaaparicayamivaarabdhumanasaH
skhalantaste khelaM bhavanakalahaMsaa na jahati .
svavikShepe shikShaaM subhagamaNima~njiiraraNita
cchalaadaacakShaaNaM caraNakamalaM caarucarite .. 91..

gataaste ma~ncatvaM druhiNaharirudreshvarabhR^itaH
shivaH svacchacchaayaaghaTitakapaTapracchadapaTaH .
tvadiiyaanaaM bhaasaaM pratiphalanaraagaaruNatayaa
shariirii shrN^gaaro rasa iva dR^ishaaM dogdhi kutukam.h .. 92..

araalaa kesheShu prakR^itisaralaa mandahasite
shiriiShaabhaa citte dR^iShadupalashobhaa kucataTe .
bhR^ishaM tanvii madhye pR^ithurasijaarohaviShaye
jagattraatuM shambhorjayati karuNaa kaacidaruNaa .. 93..

kalaN^kaH kastuurii rajanikarabimbaM jalamayaM
kalaabhiH karpuurairmarakatakaraNDaM nibiDitam.h .
atastvadbhogena pratidinamidaM riktakuharaM
vidhirbhuuyo bhuuyo nibiDayati nuunaM tava kR^ite .. 94..

puraaraaterantaHpuramasi tatastvaccaraNayoH
saparyaamaryaadaa taralakaraNaanaamasulabhaa .
tathaa hyete niitaaH shatamakhamukhaaH siddhimatulaaM
tava dvaaropaantasthitibhiraNimaadyaabhiramaraaH .. 95..

kalatraM vaidhaatraM kati kati bhajante na kavayaH
shriyo devyaaH ko vaa na bhavati patiH kairapi dhanaiH .
mahaadevaM hitvaa tava sati satiinaamacarame
kucaabhyaamaasaN^gaH kuravakatarorapyasulabhaH .. 96..

giraamaahurdeviiM druhiNagR^ihiNiimaagamavido
hareH patniiM padmaaM harasahacaariimadritanayaam.h .
turiiyaa kaapi tvaM duradhigamaniHsiimamahimaa
mahaamaayaa vishvaM bhramayasi parabrahmamahiShi .. 97..

kadaa kaale maataH kathaya kalitaalaktakarasa.n
pibeyaM vidyaarthii tava caraNanirNejanajalam.h .
prakR^ityaa muukaanaamapi ca kavitaakaaraNatayaa
yadaadhatte vaaNiimukhakamalataambuularasataam.h .. 98..

sarasvatyaa lakShmyaa vidhiharisapatno viharate
rateH paativratyaM shithilayati ramyeNa vapuShaa .
ciraM jiivanneva kShapitapashupaashavyatikaraH
paraanandaabhikhyam rasayati rasaM tvadbhajanavaan .. 99..

pradiipajvaalaabhirdivasakaraniiraajanavidhiH
sudhaasuuteshcandropalajalalavairarghyaracanaa .
svakiiyairambhobhiH salilanidhisauhityakaraNaM
tvadiiyaabhirvaagbhistava janani vaacaaM stutiriyam.h .. 100..

samaaniitaH padbhyaaM maNimukurataamambaramaNi
rbhayaadantaHstimitakiraNashreNimasR^iNaH .
dadhaati tvadvaktraMpratiphalanamashraantavikaca.n
niraataN^kaM candraannijahR^idayapaN^keruhamiva .. 101..

samudbhuutasthuulastanabharamurashcaaru hasita.n
kaTaakShe kandarpaH katicana kadambadyuti vapuH .
harasya tvadbhraantiM manasi janayaam sma vimalaa
bhavatyaa ye bhaktaaH pariNatiramiiShaamiyamume .. 102..

nidhe nityasmere niravadhiguNe niitinipuNe
niraaghaataj~naane niyamaparacittaikanilaye .
niyatyaa nirmukte nikhilanigamaantastutiapade
niraataN^ke nitye nigamaya mamaapi stutimimaam.h .. 103..

.. iti shriimatshaN^karaacaaryaviracitam.h aanandalaharii devii stotra saMpuurNam.h ..

Shri Rajeshwari Ashtakam

.. shrii Raajaraajeshvary AshTakam...

ambaa shaambhavi chandramaulirabalaa.aparNaa umaa paarvatii
kaalii haimavatii shivaa trinayanii kaatyaayanii bhairavii .
saavitrii navayauvanaa shubhakarii saamraajyalaxmiipradaa
chidruupii paradevataa bhagavatii shriiraajaraajeshvarii .. 1..

ambaa mohini devataa tribhuvanii aanandasa.ndaayinii
vaaNii pallavapaaNiveNumuraliigaanapriyaa lolinii .
kalyaaNii uDuraajabimba vadanaa dhuumraaxasa.nhaariNii
chidruupii paradevataa bhagavatii shriiraajaraajeshvarii .. 2..

ambaa nuupuraratnakaN^kaNadharii keyuurahaaraavalii
jaatiichampakavaijaya.ntilaharii graiveyakairaajitaa .
viiNaaveNu vinodamaNDitakaraa viiraasane sa.nsthitaa
chidruupii paradevataa bhagavatii shriiraajaraajeshvarii .. 3..

ambaa raudriNi bhadrakaali bagalaa jvaalaamukhii vaiShNavii
brahmaaNii tripuraantakii suranutaa dediipyamaanojvalaa .
chaamuNDaa shritaraxapoShajananii daaxaayaNii vallavii
chidruupii paradevataa bhagavatii shriiraajaraajeshvarii .. 4..

ambaa shuuladhanuH kashaaN^kushadharii ardhendubimbaadharii
vaaraahiimadhukaiTabhaprashamanii vaaNii ramaasevitaa .
malladyaasuramuukadaityamathanii maaheshvarii chaambikaa
chidruupii paradevataa bhagavatii shriiraajaraajeshvarii .. 5..

ambaa sR^iShTavinaashapaalanakarii aaryaa visa.nshobhitaa
gaayatrii praNavaaxaraamR^itarasaH puurNaanusa.ndhii kR^itaa .
oN^kaarii vinataasutaarchitapadaa uddaNDa daityaapahaa
chidruupii paradevataa bhagavatii shriiraajaraajeshvarii .. 6..

ambaa shaashvata aagamaadivinutaa aaryaa mahaadevataa
yaa brahmaadipipiilikaantajananii yaa vai jaganmohinii .
yaa paJNchapraNavaadirephajananii yaa chitkalaa maalinii
chidruupii paradevataa bhagavatii shriiraajaraajeshvarii .. 7..

ambaapaalitabhaktaraajadanishaM ambaaShTakaM yaH paThet.h
ambaalolakaTaaxaviixa lalitaM chaishvaryamavyaahatam.h .
ambaa paavanamantraraajapaThanaadante cha moxapradaa
chidruupii paradevataa bhagavatii shriiraajaraajeshvarii .. 8..

iti shriiraajaraajeshvaryaShTakaM sampuurNam.h ..